Tumblr Mouse Cursors
عُمرِى ما هَبَطل جِنَانِى
shimaa-marie asked:
صوتك في الالقاء فيه رعشه وَهم "تحفه "بمعنى الكلمه :).

يا شيماااااااااااااااااااااااااااء :*
ربنا يخليكى لية ويفرحك زى ما فرحتينى :*



كلمات : محمد دهشان
https://www.facebook.com/moh.dahshan

أداء : محمد دهشان ومنّة كُردى
https://www.facebook.com/moh.dahshan

الكلمات :
انا يومي بيهرب مني
عايش في بواقي الوقت .
- طب عامل ايه دلوقت .
انا حاسس ان انا تايه
انا ناسي انا اصلا مين
مش فاكر اي ملامح
واسامي لبني آدمين
في جوه دماغي هلاوس
مش قادر ابطل افكر
مبقتش بشوف بوضوح
جوايا في شيء متعكر
ان جيت للحق ساعات
انا بنسى صحابي واهلي
وساعات وفوسط مرايه
انا بنسى ملامح شكلي .
- طب فاكر اسمك ؟
جايز .
- اعملك شاي ؟
مش عايز .
-طب شربة مية عشان
-قرص الدوا ده وترتاح .
انا حاسس اني تقيل
ومفيش جوايا براح
انا بحلم بيها كتير
وبحس بروحي انصهرت .
-تحلم مع مين وبإيه ؟
فاكر اختي اللي انتحرت ؟
بتكون ويايا وتاهت
وبشوف الالوان باهت
وفآخر الحلم تقولي
خليك كده دايما زاهد
انا زاهد جدا جدا
انا زاهد حتى الهوا
انا كاره ان حياتي
مرتبطه بعلبة دوا
بيبصولي بصّة غريبة
هو بجد انا مجنون ؟
فبنام ييجي نص اليوم ؟
والسما مبقالهاش لون
اياك تسمع لكلامهم
وياصاحبي تكون صدقت
انا يومي بيهرب مني
عايش في بواقي الوقت .

#محمد_دهشان

fathyezzat asked:
اولا دمكً خفيف وعفويه ماشاء الله

تسلمى يارب :”))))


طب نقول مـ الأول …

احتياجنا للحب مُرهق فـ وقت ما نكون مش لاقيين حد ” بعينه ” نحبّه …

جوّانا وقتها بيفسّر مشاعر كتير غلط تجاه أشخاص تانية ” بعينها ” …

لذلك ” عدم التسرع ” مطلوب جداً .. واسأل مجرّب …

لانه بمرور الوقت بتحس ” انه عادى ” أو إنه ” فيه حاجة ناقصة ” …

طيب ..

الصبر … والصبر فقط … يعنى كُل شوية بيظهرلك إشارة أو دليل ” إنه ” متكملش ” ” مش هو دة اللى انت عاوزه ” … بس اللى يفهم .. ويلمحها …

عارفة إن الانتظار ممل .. ممل جداً … بس مش أحسن من إرهاق مشاعرك عـ الفاضى والمليان ؟!!!

وأرجع وأقول ” هييجى اللى يخطفكوا … هييجى اللى يخليكم تقولوا < هو فيه إيه > .. حلو دة … ” …

ساعتها هتحسوا انكم فعلاً مخطوفين ذهنياً …

على فِكرة الحب حلو … حلو أوى ..

ومفيش حب حرام وحب حلال ..

"الحب واحد" بس أفعالنا اللى بتشوّهه …

‫#‏صباحكم_مُختلف‬

Anonymous asked:
وحشتني طلتك على الداش بورد :)) أسعد الله صباحك يا جميلة الروح

صباحك زى قلبك :”))))


أنا مؤمنة بـ كُل كِلمة بـ تقولها … 

كمان مؤمنة إن ربنا باعتك ليّة عشان يقولى .. ” افرحى دة انتى طلع عين أهلك ” ..

مؤمنة إن فيه تفاصيل كتير أوى .. ملامحها بدأت تظهر جداً … بس الصبر …

رغم إن مشوفتكش كتير .. وحتى لو كُنت بشوفك فـ أنا كُنت ” هجوع وأعطش أكتر ” … 

بس انت فعلاً وحشتنى …

حُضنك ملجأ لـ كُل تفاصيلى …
إلهى تجيلكم فرحة تاخدكم يا بُعدا …
فـ يقولها ..

" انتى هتكونى معايا على طول .. صح ؟! "



كلمات : سارة عاشور
https://www.facebook.com/Sasooo

أداء : منّة كُردى
https://www.facebook.com/Kawkabmashy?ref=tn_tnmn

موسيقى : OTTOMAN SUFI MUSIC

الكلمات :
يا رب نجّينا من نسيان التفاصيل
من بهتان ملامحهم في عنينا
من قلة دفا لمسهم
من حضن مايطمنش
من قرب شبه البُعد
من عمى العلامات
من استهلاك البُكا
من هلك الذكريات
ومن الحاجات الباقية
ومن فراق انكتب ومن رُحاه نِجينا

يا رب صبّرنا على انتظار الجاي
وعلى انتصار مش جاي
وعلى انكسار الحلم كإطار ملهوش ضمان

يا رب لصّمنا قصاد الصمت اللي له كام ألف معنى
وقويّنا على كلمة تطلع مننا فتوجع اللي يسمعنا
وقويّهم على بلعها فيبتسموا ولا يتفتفتوش قدامنا

يا رب سامحنا على كل مفروض مشينا فيه
وكل تحميلة حمّلناها على الغيب اللي ما نعلم بيه
وكل نرفزة حلت محل الطبطبة ف الحزن
وكل مرة قولنا أنها دي الأخيرة
وكل أخيرة اتكررت بعدها
وكل سؤال اتقابل بالجفا واللوم
وكل حنين انكتم
وكل مرة كدبنا
وكل مرة ضعفنا
وسامحنا عن كل دعا بالغلط مننا
وكل مرة كنا مضطرين نكون الشر
عشان نعيش على الهامش
مانحسبش من خسايرنا ما ينقصم معاها الضهر

يا رب كنا مضطرين نتبلى بقولنا أنك خالقنا كده سوادنا فينا متحكم ..


7aamed:

eman-adel:

7aamed
جارى العزيز جداً ، أما بعد
كل سنة وأنت طيب ومش هقولك عقبال سنين كتير جاية ، كفاية عليك لحد كدا :P
برده مش هقول أمنيات الأعياد المُعتادة .. بقت مُملة
بس أنا اعرفك أنا ومنة تقريباً من سنة ونص ..
علطول كنت بفكر املء حياتى بالأشخاص الجيدين والمثاليين 
من يوم ما عرفت منةّ وأنا اتغيرت نظريتى وبعدين عرفتك وعرفت ناس كتير هنا
وفهمت أن الحياة يملأها الأشخاص اللى عارفين كويس أنهم مش مثاليين ولا هيبقوا مثاليين ، دا ميزانى 
لأن دى هى المثالية اللى بجد .. أنك متبقاش كامل ولا تحاول توصل للكمال 
والشخص الجيد نظرية غير قابلة للتحقيق .. لأن مينفعش تبقى جيد من غير أخطاء
بينى وبينك 10 دقايق وسبحان الله معرفش عنك حاجة غير من تمبلر
فى بادىء الأمر أنت من الأشخاص اللى تتفهم غلط بسهولة شديدة :D
لأنك عفوى بطريقة مش معقولة .. بس العفويين دول أحباب الله 
بس بمرور الوقت فهمت يعنى الموضوع دا .. وأصبحنا أصدقاء 
يمكن دى حاجة بسيطة يا صديقى ويمكن خط منة وحش ونبش فراخ بس كفاية خطى :P
علطول بعتبر نفسى أختك الكبيرة مع أنى الأصغر ، معرفش ليه :P
بس أدامك الله نعمة لنا ونفضل أخوات وأصحاب كدا علطول
وربنا ما يحرمك أبداً من عائلتك ويخليكم لبعض
نفسى أفرح بيك وبمنة وبيكم كلكم :D :P
أنا متأكدة يا صديقى أنك أكتر ما الناس تعرفه عنك .. ومش هيبقى وجودك عابر
وعارفة أن البلد الصغيرة مُدن وأوطان وقارات وحكايات 
ومش شرط الفرق يبقى اختراع ، ممكن الفرق يبقى صديق بيعرف يشيل الحزن عن أصحابه بعفويته :)
كل سنة وأنت طيب تانى .. 
ملحوظة: الكلام دا بيتقال من السنة للسنة ، متتعودش عليه :P

أنا كتبت كلام كتير ومسحته تانى ، حسيت إنى هعكر البيور مسج دى :D

الخلاصه: ان فيه ناس بتتجوز عشان يكملوا نصهم التانى ، انا نصى التانى هما وهن أصحابي ♥

أنا فعلاً بحبك يا محمد ..

Anonymous asked:
كيف هي الحياه .؟

خرا


Anonymous asked:
أنا قلت كده برضو, لما تحسي ان في حد حاشر مناخيره ف البلوج كده بتبقي مش عارفة لا تكتبي ولا ت ريبلوج ولا تتكلمي براحتك اصلا, اخر ما زهقت عملت باسورد للبوج :D

ههههههههههههههه


Anonymous asked:
ممكن الناس هنا ما تأقلموش كويس مع التغيير, و ما بقوش فاضيين زي الأول. ما تستهونيش بسنتين باحداثهم و اثرهم علي الواحد يا منه. سؤال تاني بيجيلك احساس كده ان المكان مبقاش براح, كأن في حد بيراقب و مركز و مش سايب حد ف حاله؟ :D

اه ..


Anonymous asked:
انا لحد دلوقتى معرفش حد وكل الناس تعرف بعض #نصيحتك حاسس انى غريب هنا

خليك كدة .. أحسن حاجة 


Anonymous asked:
على فكره اانتى اول حد اتكلم معه هنا وانا واحد غير اللى بيسال لما كنت بتقوللى كل واحد هنا مع نفس ودا اجمل حاجه موجود بعد كدا لقيت كله عارف بعض بتضحكى عليا يا منه لو فاكره هتعرفنى :D

كله عرف بعضه بعد كدة .. فـ الأول كان كل واحد مع نفسه …

مش فاكرة للاسف مين :”(((